(شوپیاں) ضلع شوپیان میں سنیچر کی صبح مسلح تصادم آرائی میں 1مقامی ملی ٹینٹ جاں بحق ہوا جبکہ دو فوجی اہلکار ہلاک ہو گئے، وہیں ایک رہائشی مکان کو نقصان پہنچا۔
#Encounter had started at Chermarg, Zainapora area of #Shopian. Police and security forces are on the job. Further details shall follow. @JmuKmrPolice
— Kashmir Zone Police (@KashmirPolice) February 19, 2022
پولیس کے مطابق انہیں چیر مرگ زینہ پورہ نامی ایک چھوٹے سے گائوں میں ملی ٹینٹوں کی موجودگی کی اطلاع ملی جس کے بعد آپریشن کا فیصلہ کیا گیا۔پولیس کا کہنا ہے کہ1 آر آر ،سی آر پی ایف 178بٹالین اور پولیس کے اسپیشل آپریشن گروپ نے ضلع ہیڈکوارٹر سے قریب 20کلومیٹر کی دوری پر واقع مذکورہ بستی کو سنیچر کی اعلیٰ صبح میں لیا اور گائوں کی مکمل ناکہ بندی کر کے تلاشیوں کا آغاز کیا گیا۔مقامی لوگوں کے مطابق تلاشی کرنے کی غرض سے جب فورسز اہلکار بستی میں داخل ہوئے تو ملی ٹینٹوں نے عبد السلام بٹ ولد مرحوم محمد رمضان بٹ کی رہائش گاہ میں پناہ لی اور فورسز اہلکاروں پر فائرنگ کی جس کے بعد گولیوں کا تبادلہ ہوتا رہا۔ اطلاعات کے مطابق صبح کے 7بجکر 30منٹ پر طرفین کے مابین گولیوں کا زبردست تبادلہ شروع ہوا جو 9بجکر 10منٹ تک جاری رہا ۔اس دوران ایک مقامی عسکریت پسند جسکی شناخت قیوم ڈار ساکنہ کاکہ پورہ پلوامہ کے بطور ہوئی ہے،مارا گیا ہے جبکہ اس دوران دو فوجی اہلکار جنکی شناخت سنتوش یادو اور رومت چوہان کے بطور ہوئی ہے، شدید طور پر زخمی ہوگئے جنہیں فوری طور پر سرینگر کے 92بیس آرمی اسپتال منتقل کیا گیا تاہم دونوں فوجی اہلکار زخموں کی تاب نہ لاتے ہوئے دم توڑ بیٹھے۔ علاقے میں تلاشی کارروائی مزید کچھ دیر کے لئے جاری رہیں تاہم ملی ٹینٹوں کے ساتھ دوبارہ کوئی آمنا سامنا نہ ہونے کے بعد تلاشی آپریشن کو ختم کیا گیا۔
