(پونچھ) ضلع پونچھ میں آرمی اور پولیس نے لائن آف کنٹرول کے علاقے میں میں تلاشی آپریشن کے دوران اسلحہ اور گولہ بارود برآمد کیا ہے۔ حکام کے مطابق 03 اپریل کوفوج اور پولیس کے ایس او جی کے دستوں نے ایک مشترکہ آپریشن کیا اور ضلع پونچھ میں لائن آف کنٹرول کے ساتھ ایک گاوں سے اسلحہ اور گولہ بارود برآمد کیا۔تفصیلات کے مطابق وائٹ نائٹ کور کے پونچھ بریگیڈ اور ایس او جی پونچھ کی طرف سے ضلع پونچھ کی تحصیل حویلی کے گاؤں نورکوٹ میں مخصوص انٹیلی جنس معلومات کی بنیاد پر تلاشی کارروائی کی گئی۔ تلاشی کے دوران، پارٹی نے دو اے کے 47 رائفلیں، دو اے کے 47 میگزین، ایک 223 بور اے کے شیپ بندوق ہینڈ گرپ کے ساتھ، 233 بور اے کے شیپ گن کے دو میگزین، ایک چینی پستول، ایک چینی پستول میگزین، 63 اے کے 47۔ راونڈ، 223 بور اے کے شیپ گن کے بیس راؤنڈ اور چائنیز پستول کے چار راونڈ برآمد کرنے کا دعویٰ کیا گیا۔فورسز کا کہنا ہے کہ علاقے میں مزید تلاشی جاری ہے.
