(شوپیاں) پاندوشن شوپیان میں فورسز اور عسکریت پسندوں کے مابین انکاؤنٹر جا رہی ہے۔ تفصیلات کے مطابق فورسز نے شوپیاں کے پاندوشن علاقے میں عسکریت پسندوں کی موجودگی کی خفیہ اطلاع ملنے کے بعد علاقے کو محاصرہ میں لے کر سرچ آپریشن شروع کیا۔ پیر کو رات 8 بج کر 30 منٹ پر فوج کی 34 راشٹریہ رائفلز سی آر پی ایف کی 14 بٹالین اور جموں و کشمیر پولیس نے ضلع شوپیان کے پاندوشن علاقے کو محاصرے میں لے کر یہ تلاشی مہم شروع کی، جس دوران علاقے میں موجود عسکریت پسندوں نے فورسز اہلکاروں پر فائرنگ کی۔
#ShopianEncounterUpdate: One Soldier has also got injured. He has been shifted to hospital for treatment. Further details shall follow.@JmuKmrPolice https://t.co/iFk1FT8rUC
— Kashmir Zone Police (@KashmirPolice) May 9, 2022
پولیس نے ٹویٹ کر کے جانکاری دی کہ انکاؤنٹر کے دوران دو عام شہری زخمی ہوگئے۔ دونوں زخمیوں کو اسپتال منتقل کر دیا گیا ہے۔ ان میں سے ایک کی حالت نازک ہے۔ پولیس نے علاقے کا محاصرہ مزید سخت کر دیا ہے۔ فی الحال علاقے میں عسکریت پسندوں اور فورسز کے دمیان گولیوں کا تبادلہ جاری ہے۔
