شوپیاں تصادم: زخمی شہری اسپتال میں دم توڈ بیٹھا، عسکریت پسند علاقے سے نکلنے میں کامیاب

(شوپیاں) ضلع شوپیاں کے پنڈوشن علاقے میں تصادم کے ابتدائی مرحلے کے دوران زخمی ہونے والا ایک شہری منگل کی صبح زخموں کی تاب نہ لاتے ہوئے چل بسا۔ تفصیلات کے مطابق شاہد غنی ڈار ولد عبدالغنی ڈار ساکنہ پنڈوشن شوپیاں بادامی باغ میں واقع  92 بیس آرمی ہسپتال میں زخموں کی تاب نہ لاتے ہوئے چل بسا۔ واضح رہے پنڈوشن میں پیر کی شام شروع ہونے والے مسلح تصادم میں ابتدائی فائرنگ کے تبادلے کے دوران دو شہری زخمی ہوئےتھےجنہیں ہیلی کاپٹر سے 92 بیس ہسپتال سرینگر پہنچایا گیا تاہم شاہد دم توڑ گئے جبکہ ایک اور شہری شعیب احمد منٹو اور فوجی جوان سنجیو داس کی حالت مستحکم بتائی جارہی ہے۔ تازہ اطلاعات کے مطابق آپریشن کو روک دیا گیا ہے کیونکہ عسکریت پسند انکاؤنٹر کے ابتدائی مرحلے کے دوران علاقے سے نکلنے میں کامیاب ہو گئے ہیں۔