(اننت ناگ)مرہامہ بیجبہاڈہ میں پولیس اور فوج کی مشترکہ ٹیم کے ساتھ ایک تصادم آرائی سے جنگجو نکلنے میں کامیاب ہو گئے ہیں جس کے بعد آپریشن کو منسوخ کر دیا گیا ہے۔ تفصیلات کے مطابق اننت ناگ ضلع کے مرہامہ علاقے میں ابتدائی فائرنگ کے بعد مزید فائرنگ کا تبادلہ نہیں ہوا۔ ایک سینئر افسر نے بتایا کہ "ایسا لگتا ہے کہ عسکریت پسند ابتدائی مرحلے میں اندھیرے کا فائدہ اٹھا کر علاقے سے نکل گئے تھے”۔ انہوں نے کہا کہ عسکریت پسندوں کے ساتھ کوئی تازہ رابطہ نہ ہونے کے بعد کل رات دیر گئے آپریشن کو ختم کر دیا گیا۔ واضح رہے یہ تصادم بدھ کی دوپہر کو اس وقت شروع ہوا جب مشترکہ ٹیم نے عسکریت پسندوں کی موجودگی کے بارے میں ایک مخصوص اطلاع کی بنیاد پر علاقے کا مشترکہ محاصرہ اور تلاشی آپریشن شروع کیا۔
