(سرینگر) لیفٹیننٹ گورنر منوج سنہا نے نرسوں کو ہمدردی و شفقت کا مظہر قرار دیتے ہوئے کہا کہ نرسیں ہمارے طبی نگہداشت نظام کے دل میں ہیں۔ موصوف نے ان باتوں کا اظہار بدھ کو نرسوں کے عالمی دن کے موقع پر انہیں خراج تحسین پیش کرنے کے طور پر کیا۔انہوں نے اپنے ایک ٹویٹ میں کہا: ‘نرسیں ہمارے طبی نگہداشت نظام کے دل میں ہیں اور وہ ہمدردی، شفقت اور دیکھ بھال کی مظہر ہیں‘۔ ان کا ٹویٹ میں مزید کہنا تھا: ‘نرسوں کے عالمی دن کے موقع پر میں تمام نرسنگ عملے کا سماج کی بے لوث خدمت انجام دینے پر تہہ دل سے شکریہ ادا کرتا ہوں‘۔
Nurses are at the heart of our healthcare systems and epitome of compassion, kindness and care. On International Nurses Day, my sincere gratitude to all nursing staff for selfless service to society.
— Office of LG J&K (@OfficeOfLGJandK) May 12, 2022
واضح رہے کہ دنیا میں ہر سال 12 مئی کو نرسوں کا عالمی دن منایا جاتا ہے اس دن کو منانے کا آغاز سال1953 ہوا تھا۔ اس دن کی مناسبت سے نرسوں کی اہمیت کو اجاگر کرنے کرنے کے لئے مختلف نوعیت کے پروگراموں کا انعقاد کیا جاتا ہے۔
