امت نیوز ڈیسک // تفصیلات کے مطابق جنوبی کشمیر کے ضلع پلوامہ کے کے اونتی پورہ کے راج پورہ علاقے میں سکیورٹی فوسز اور عسکریت پسندوں کے درمیان تصادم ہونے کی اطلاع ہے۔
ذرائع کے مطابق سکیورٹی فورسز کو علاقے میں عسکریت پسندوں کی خفیہ اطلاع موصول ہوئی تھی، جس کے بعد پولیس فوج اور سی آر پی ایف نے مشترکہ طور پر کارروائی شروع کی ہے۔تلاشی کارروائی کے دوران جب سکیورٹی فورسز اور عسکریت پسندوں کا آمنا سامنا ہوا تو عسکریت پسندوں نے سکیورٹی فورسز پر اندھا دھند گولیاں چلائی جس کے بعد سرچ آپریشن نے انکاؤنٹر کی شکل اختیار کر لی.
کشمیر پولیس زون نے آفیشیل ٹویٹر ہینڈل پر انکاؤنٹر کے بارے میں تفصیلات شیئر کی۔ پولیس کے مطابق پلوامہ کے اونتی پورہ کے راج پورہ علاقے میں عسکریت پسندوں اور سکیورٹی فوسز کے درمیان انکاؤنٹر جاری ہے۔
