امت نیوز ڈیسک //
کیرالہ میں حکمران جماعت کے ایک ممبر اسمبلی اور سابق وزیر کے ٹی جلیل نے ایک متنازع بیان میں جموں و کشمیر کو بھارتی مقبوضہ کشمیر جتلایا جب کہ پاکستان کے زیر قبضہ کشمیر کو آزاد کشمیر کہا۔
کیرالہ کے سابق وزیر اور حکمراں ایل ڈی ایف ایم ایل اے کے ٹی جلیل نے جمعہ کے روز جموں و کشمیر کو "انڈین ادھینا جموں و کشمیر یعنی بھارت کے زیر قبضہ جموں و کشمیر اور پاکستان کے زیر قبضہ کشمیر کو "آزاد کشمیر” کے طور پر بیان کرتے ہوئے ایک بہت بڑا تنازع کھڑا کیا۔ جلیل نے یہ تبصرہ اپنے دورۂ کشمیر کے حوالے سے فیس بک پوسٹ میں کیا۔
ملیالم میں لکھی گئی پوسٹ میں، کیرالہ کے ایم ایل اے نے کہا کہ "پاکستان سے منسلک کشمیر کا حصہ ‘آزاد کشمیر’ کے نام سے جانا جاتا تھا اور یہ ایک ایسا علاقہ تھا جہاں پاکستانی حکومت کا براہ راست کنٹرول نہیں ہے۔” جلیل، جو پچھلی سی پی آئی (ایم) کی قیادت والی ایل ڈی ایف حکومت میں وزیر تھے، نے کہا کہ "انڈین ادھینا جموں اور کشمیر” (بھارت کے زیر قبضہ جموں و کشمیر) جموں، کشمیر وادی اور لداخ کے کچھ حصوں پر مشتمل ہے۔”بی جے پی رہنما سندیپ ویریر نے جلیل کو ان کے ریمارکس پر تنقید کا نشانہ بناتے ہوئے کہا کہ وہ سنجیدہ ہیں اور یہ واضح ہے کہ ان کی زہریلی سوچ انکی ان سطور میں نظر آتی ہے سی پی آئی (ایم) کے ریاستی سکریٹری کوڈیری بالاکرشنن نے کہا کہ وہ فیس بک پوسٹ کو پڑھنے کے بعد جواب دیں گے۔ جلیل نے ابھی اس پوسٹ کے بارے میں کوئی وضاحت نہیں کی ہے۔
