امت نیوز ڈیسک //
ضلع کولگام میں محکمہ رورل ڈیولپمنٹ ڈیپارٹمنٹ (آر ڈی ڈی) میں تعینات 5 ملازمین کو اتوار کے روز ڈیوٹی پر غیر حاضر رہنے کے پاداش میں معطل کردیا گیا ہے
جموں و کشمیر پریس سروس کے موصولہ تفصیلات کے مطابق ڈپٹی کمشنر کولگام ڈاکٹر بلال محی الدین بھٹ کی ہدایت پر اے سی ڈی کولگام، محمد عمران کی سربراہی میں افسران کی ایک ٹیم نے کولگام میں محکمہ دیہی ترقی کے کئی دفاتر کا معائنہ کیا۔
معائنہ کے دوران ڈی کے مارگ بلاک میں 05 ملازمین غیر مجاز طور پر اپنے فرائض سے غیر حاضر پائے گئے اور انہیں فوری طور پر معطل کر دیا گیا۔
مزید یہ کہ اے سی ڈی نے محکمہ دیہی ترقیات کولگام کے تمام دفاتر میں 100 فیصد حاضری پر زور دیا اور تمام ملازمین کو اپنی ڈیوٹی پر باقاعدگی سے حاضر رہنے کی ہدایت کی۔
انہوں نے متنبہ کیا کہ ملازمین کی غیر مجاز غیر حاضری پر ان کے خلاف قواعد کے تحت سخت کارروائی کی جائے گی۔
