امت نیوز ڈیسک //
سری نگر، 18 مارچ : ڈوڈہ میں پیر کی سہ پہر ایک گاڑی کے گہری کھائی میں گرنے سے ایک شخص ہلاک اور دوسرا زخمی ہو گیا۔
ایک اہلکار نے نیوز ایجنسی کشمیر اسکرول کو بتایا کہ ڈوڈہ کے گاؤں دگہ کے قریب کھلانی مرمت لنک روڈ پر ایک کار سڑک سے پھسل کر گہری کھائی میں جاگری۔
اہلکار نے بتایا کہ "حادثے کے نتیجے میں ایک روشن لال ولد دینا ناتھ ساکنہ مرمٹ کی موت ہو گئی اور دوسرے کی شناخت تنویر احمد ولد فیاض اللہ کے نام سے ہوئی، جو مرمٹ کا رہنے والا ہے”۔
اہلکار نے مزید کہا، "زخمی شخص کو علاج کے لیے جی ایم سی جموں لے جایا گیا ہے۔” واقعے کی تصدیق کرتے ہوئے ایک پولیس اہلکار نے کشمیر اسکرول کو بتایا کہ انہوں نے مزید تحقیقات کے لیے حادثے کا نوٹس لیا ہے۔ (کشمیر اسکرول)
