امت نیوز ڈیسک //
کولگام، 07 جولائی: جنوبی کشمیر کے کولگام ضلع کے مدرگام علاقے میں اتوار کو ایک تصادم میں ایک اعلیٰ حزب کمانڈر سمیت دو ملی ٹینٹ مارے گئے۔
ایک اعلیٰ پولیس افسر نے سری نگر کی خبر رساں ایجنسی کشمیر اسکرول کی تصدیق کرتے ہوئے کہا کہ ہفتہ کی سہ پہر ملی ٹینٹوں کی موجودگی سے متعلق اطلاعات کے بعد فورسز کی ایک مشترکہ ٹیم نے مدرگام میں محاصرے اور تلاشی کی کارروائی شروع کی۔
جیسے ہی فورسز کی مشترکہ ٹیم نے مشتبہ مقام پر داخل کیا، چھپے ہوئے جنگجوؤں نے ٹیم پر فائرنگ کردی، جس پر جوابی کارروائی کی گئی، جس سے فائرنگ کا تبادلہ شروع ہوگیا۔
انہوں نے کہا کہ فائرنگ کے تبادلے کے دوران دو جنگجو مارے گئے جو دونوں شوپیاں ضلع کے رہنے والے ہیں۔
انہوں نے کہا کہ ازجان ہونے والوں میں ایک ایچ ایم کمانڈر عادل حسین وانی ساکنہ کٹی پورہ شوپیاں جبکہ دوسرے کی شناخت کنی پورہ شوپیاں کے فیصل بشیر لون کے نام سے ہوئی ہے۔ انہوں نے کہا کہ علاقے میں سرچ آپریشن تاحال جاری ہے۔(کشمیر اسکرول )
