امت نیوز ڈیسک //
کشتواڑ، 6 دسمبر : سرتھل گُرش علاقے میں سرتھل دیوی مندر کی طرف جانے والی یاتریوں کی گاڑی سڑک سے پھسل کر گہری کھائی میں جا گری، جس کے نتیجے میں تین افراد جاں بحق جبکہ ایک شخص شدید زخمی ہوگیا، حکام نے بتایا۔
سرکاری ذرائع کے مطابق حادثہ اُس وقت پیش آیا جب ڈرائیور مبینہ طور پر گاڑی پر قابو کھو بیٹھا، جس کے باعث گاڑی سڑک سے نیچے جا گری۔ زور دار ٹکر کے نتیجے میں گاڑی میں سوار تین افراد موقع پر ہی دم توڑ بیٹھے، جبکہ ایک شدید زخمی یاتری کو فوری طور پر قریبی طبی مرکز منتقل کیا گیا۔
تمام متاثرین کا تعلق ڈوڈہ ضلع کے دیسہ علاقے سے بتایا جا رہا ہے، تاہم سرکاری طور پر ان کی شناخت رپورٹ لکھے جانے تک ظاہر نہیں کی گئی تھی۔
پولیس نے موقع پر پہنچ کر قانونی کارروائی شروع کر دی ہے تاکہ حادثے کی اصل وجوہات کا تعین ہو سکے۔ مزید تفصیلات کا انتظار ہے۔ (سی این ایس)
